Lajme
Zvicra e mirë për fëmijët, e keqe për prindërit
Kjo është ajo se çfarë kanë thënë lexuesit për Zvicrën, duke përmendur të mirat dhe të këqijat
Një studim i kohëve të fundit nga UNICEF sugjeroi se Zvicra është vendi më pak miqësor për familjen në Evropë.
Vlerësuar sipas politikave të saj mbi lejen prindërore dhe kujdesin ndaj fëmijëve, ndër të tjera, Zvicra u rendit e fundit në 31 vende, pak më poshtë Greqisë, Qipros dhe Britanisë së Madhe.
“The Local” ka pyetur lexuesit, se a është kjo e vërtetë dhe janë interesante.
E mira
Shumica e lexuesve tanë ishin dakord se ka shumë përfitime për fëmijët që rriten në Zvicër, përcjell albinfo.ch.
Një plus i madh për familjet në Zvicër janë aktivitetet e ndryshme në natyrë, në dispozicion për të gjithë. “Fëmijët janë aq të lirë dhe familjet kanë kaq shumë aktivitete për të shijuar së bashku, veçanërisht në natyrë!”, u pajtua Nadia Mills nga zona e Cyrihut.
Fëmijët tuaj janë mjaft të sigurtë
Zvicra votohet rregullisht si një nga vendet më të sigurta në botë.
Kujdesi shëndetësor është nivel i lartë
Nuk vjen i lirë, por sistemi i kujdesit shëndetësor në Zvicër është një nga më të mirët në botë. Për nënat, shpenzimet që lidhen me shtatzëninë dhe lindjen përfundojnë me sigurim, pa zbritje. Megjithëse fëmijët duhet të sigurohen nga lindja, premitë janë më të ulëta se për të rriturit dhe nuk ka zbritje për fëmijët deri në moshën 18 vjeç. Dhe, për paratë tuaja, ju merrni një shërbim me cilësi të mirë.
Fëmijët tuaj rriten me shumë gjuhë
Shumë lexues ishin entuziastë për sistemin shkollor këtu. Natyrisht, një nga përfitimet e mëdha për banorët e huaj është se fëmijët e tyre natyrisht do të mësojnë të paktën një nga gjuhët zyrtare të Zvicrës dhe potencialisht do të mësojnë edhe një të dytë, përcjell tutje albinfo.ch.
E keqja
Fëmijët mund të përfitojnë nga jeta zvicerane, por e njëjta gjë nuk mund të thuhet gjithmonë për prindërit. Shumica e pikave të këqija rreth rritjes së fëmijëve në Zvicër kanë të bëjnë me atë se si ndikon negativisht te prindërit, sipas lexuesve.
Kujdesi për fëmijët është i shtrenjtë
Një gjë me të cilën u pajtuan më shumë lexuesit është se kujdesi për fëmijët është shumë i shtrenjtë këtu. Ndryshe nga Britania e Madhe nuk ka orë të lira të çerdheve, dhe një kopsht fëmijësh me kohë të plotë mund të kushtojë deri në 20 përqind të të ardhurave të një familje, varësisht se ku jetoni. Për më tepër, mund të jetë e vështirë të gjesh një çerdhe.
Kujdesi ditor është “shumë i shtrenjtë, por për nënat që punojnë, që duan që fëmijët e tyre të integrohen në vend, është një domosdoshmëri”, tha Liliana da Silva nga Cyrihu.
Pushimi i lehonisë është i shkurtër dhe nuk ka pushim të atësisë
Me gratë që marrin vetëm 16 javë leje lindjeje dhe burrat që nuk kanë pushim statutor të atësisë, prindërit në Zvicër shpesh përpiqen të arrijnë një ekuilibër në punë dhe në jetë.
Karriera
Shumë prindër mendojnë se Zvicra nuk mbështet familjet moderne. Kostoja e kujdesit të fëmijëve dhe kohëzgjatja e lehonisë do të thotë që gratë shpesh ndihen të detyruara të qëndrojnë në shtëpi në vend që të kthehen në punë.
Shumë shkolla dërgojnë fëmijët në shtëpi për të ngrënë drekën e tyre, duke e bërë të vështirë për familjet, ku të dy prindërit janë në punë.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët