Integrimi
Ahmet Gjanaj, deputeti i parë shqiptar në parlamentin belg
"Jam deputeti i fundit që hyn në Parlamentin e Brukselit dhe këtë e bëra për 10 vota më shumë. Unë mora 3.380 vota, ndërsa kandidati pas meje, mori 3,370"
Një përvojë shumëvjeçare e angazhimit politik në nivele lokale dhe rajonale i është shpërblyer politikanit shqiptar me pozitën e deputetit në Parlamentin Federal të Belgjikës. Për herë të parë komuniteti shqiptar në Belgjikë do të përfaqësohet me deputet në Parlamentin e Brukselit në Shtator, kur kandidati socialist Ahmet Gjanaj, me origjinë nga Kukësi, pritet të bëjë betimin në nisje të legjislaturës së re.
“Ndodhi një mrekulli që arrita të marr mandatin. Jam deputeti i fundit që hyn në Parlamentin e Brukselit dhe këtë e bëra për 10 vota më shumë. Unë mora 3.380 vota, ndërsa kandidati tjetër që nuk fitoi mori 3,370. Do të jetë një risi që komuniteti të jetë i ushqyer në aspektin e subvencioneve nga shteti belg për shkak të ndikimit të një deputeti me origjinë shqiptare”, shprehet Gjanaj për televizionin Topchanel.
Sistemi i vjetëruar informatik belg u bllokua mesnatën e së dielës, kur në vend u organizuan për herë të parë zgjedhjet rajonale, federale dhe europiane.
Ministria e Brendshme belge, që menaxhon zgjedhjet rajonale, publikoi formalisht rezultatet, por certifikimi i tyre sipas Gjanajt mbahet peng nga komisioni zgjedhor për shkak të ankesës së një kandidati të djathtë me origjinë turke.
“Një komisioner, si duket i lidhur me këtë kandidat, nuk pranon të firmosë procesverbalin. Domethënë, gjërat që ne i kemi parë në Shqipëri, tani po ndodhin edhe në Belgjikë, që është një risi”, thotë Gjanaj.
Dy kandidatët e tjerë shqiptarë që garuan për të djathtën humbën në këtë betejë rajonale. Elona Zhana nga Tropoja mori vetëm 510 vota për CDH, ndërsa Burim Demiri nga Kumanova siguroi 1.125 vota për Federatën e Frankofonëve, duke forcuar pozitën e tij në këtë parti, shkruan tch.
Të tjera nga Integrimi
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen