10 mijë serbë janë kthyer në Kosovë

Ministri për Kthim dhe Komunitete në Qeverinë e Kosovës Radojica Tomiq, ka bërë të ditur se Ministria që drejton gjatë vitit që po e lëmë pas ka pasur buxhetin më të vogël në Qeveri, me vetëm 4 milion e gjysmë euro. Sipas tij, kjo nuk ka guxuar të jetë kështu për shumë arsye.

Ministri Tomiq nuk e ka bërë të ditur numrin e saktë të personave të kthyer në Kosovë. Por, ka thënë se të dhënat statistikore flasin për 10 mijë të kthyer, ndërsa në terren numri është shumë më i vogël.

Tomiq ka theksuar se në Kosovë kthehen kryesisht të moshuarit, ndërsa që sipas tij cak i ministrisë është kthimi i të rinjve.

Sipas tij, për vitin e ardhshëm plani i ministrisë është që të vazhdoj kthimin edhe të familjeve të tjera sidomos brenda qyteteve të Kosovës.