1000 veta në Bernë protestojnë kundër Iniciativës për dëbim

Rreth 1000 veta kanë protestuar mbrëmjen e të premtes në Bernë kundër “Iniciativës për zbatim të dëbimit të të huajve kriminelë”.

Protesta që u zhvillua nën moton “Racizmi nuk është mendim” ishte e lejuar nga policia dhe u zhvillua në mënyrë paqësore. Nuk ka pasur as dëmtime materiale. Megjithatë bëhet e ditur se një pjesë e demonstruesve ishin të maskuar, por dyshohet se disa prej tyre kanë qenë policë civilë, shkruan nzz.ch. Protestuesit kanë thirrur që ata të lëshojnë protestën.

Në këtë protestë është kritikuar SVP-ja për inicativën e saj “çnjerëzore”. Janë mbajtur fjalime të ndryshme dhe janë hedhur edhe fishekzjarrë.

Organizatorë të saj ishin “Aleanca e forcave demokratike, Bernë” dhe “Kolektivi për të drejtën e qëndrimit, Bernë”.

Të dielën, më 28 shkurt do të votohet në referendumin për “Iniciativën për zbatim të dëbimit të të hujave kriminelë”.