Erërat e forta godasin Zvicrën

(KEYSTONE/Urs Flueeler)

Stuhia Burglind ka goditur Zvicrën të mërkurën, raportojnë mediat vendore. Erërat e forta nga 90 deri në 130 kilometra në orë kanë goditur Zvicrën në orët e para të mëngjesit, derisa më vonë, shpejtësia e erës pritet të arrijë deri në 150 kilometra në orë, thonë meteorologët, shkruan albinfo.ch.

Ajo ka arritur shpejtësinë prej 130 kilometrash në ultësira ndërsa në majat e maleve është shënuar edhe shpejtësia prej 195 kilometrash në orë, në majen Pilatus, afër Lucernit, që përbën rekord që nga viti 1981 kur kanë filluar matjet

Në kantonin e Bernës dhe në atë të Lucernit, stuhia ka rrëzuar trungje pemësh me çfarë janë shkaktuar edhe çrregullime në trafikun hekurudhor dhe atë rrugor.

Veç kësaj, në Kantonin e Bernës 14.000 shtëpi kanë mbetur pa energji elektrike ndërsa në Liqenin e Thunit, në po këtë kanton, nuk ka lëvizje anijesh.

Në shumicën e vendeve, stuhia po sjellë shi të madh, dhe në disa vende edhe breshër.

Shoferët gjithashtu duhet të jenë të kujdesshëm, pasi rrugët nuk janë në gjendjen më të mirë dhe shikimi është i kufizuar.

Por, probleme pritet të ketë edhe me linjat hekurudhore, ku disa janë mbyllur.

Gjithashtu edhe aeroplanët po e kanë vështirë të aterojnë. Policia ka këshilluar që të ketë më shumë kujdes dhe për të shmangur ecjet në zonat e pyllëzuara për shkak të rrezikut të rënies së drurëve.

Stuhia pritet të dobësohet pasdite.

https://www.youtube.com/watch?v=lkKYMq021WY