Më 2018 ekranet e telefonave do të kenë brenda sensorin e gishtave

Keystone (AP Photo/Eric Risberg)

“Synaptics”, kompania përgjegjëse për miliona ekrane të laptopëve dhe të telefonave për ndjeshmërinë në prekje, ka njoftuar se do të prodhojë sensorin e parë të gishtave që do të përfshihet brenda ekranit.

I quajtur “Clear ID”, pritet që të funksionojë sikurse butonat e zakonshëm te telefonat Samsung Galaxy S para lansimit të Galaxy S8 dhe te iPhonet para lansimit të iPhone X, transmeton Albinfo.ch.

Ata do të aktivizohen vetëm kur preket në një pjesë të caktuar të ekranit.

Kompania po ashtu ka bërë të ditur se “Clear ID” do të punojë me një nga top pesë kompanitë më të mëdha të botës, duke mos specifikuar se me cilën.

Kjo veçori, sipas “TheVerge”, është e pashmangshme për vitin 2018.