“3D”, një ekspozitë grafikash të Fatmir dhe Faton Dërmakut

Protagonistë të ekspozitës janë 3 Dërmakë,. Dy që ekspozojnë punimet e tyre: Fatoni dhe Fatmiri si dhe i treti, kuratori, i cili është dhe grafist i njohur, Adem Dërmaku

Sot, në orën 16.00 në Cyrih hapet ekspozita “3D” me kurator Adem Dërmakun. Me “3D” nuk kuptohet, siç mund të mendohet për diçka tridimensionale ose ngjashëm. Kjo shprehje ka të bëjë në fakt me 3 Dërmakët, dy që ekspozojnë punimet e tyre: Fatoni dhe Fatmiri si dhe i treti, kuratori, i cili është dhe grafist i njohur, Adem Dërmaku.

Fatmir Dërmaku prezanton këtu 30 fletëgrafika në teknikën akuatintë, gjilpërë e thatë, sitoshtyp dhe linogëdhendje me tematikë “Torzot”. Ndërsa Faton Dërmaku prezantohet me 38 fletëgrafika në teknikën shtyp digjital me tematikën “Dance”.

Ekspozita “3D” do të qëndrojë e hapur nga 23 shtator deri më 5 tetor. Ajo mund të vizitohet nga e marta deri të shtunën, nga ora 13 deri në orën 19.

Adresa: Galerie&Werkstatt

Eglistrasse 8,  8004, Zürich