Çokollatat ”Mars” dhe ”Snickers” tërhiqen edhe nga Zvicra

Prodhuesi amerikan i çokollatave “Mars Inc” ka njoftuar se do të bëjë tërheqjen e çokollatave Mars dhe Snickers në 55 vende, pasi në një prej produkteve të saj janë gjetur copëza plastike.
Amerikanët i kanë tërhequr çokollatat edhe nga Zvicra, përcjell albinfo.ch.

Sipas të dhënave të fundit, janë prekur 55 vende, shumica vende evropiane, por edhe, për shembull, Vietnami dhe Sri Lanka.

Kompania ka tërhequr të gjitha produktet Mars dhe Snickers, Milky Way Minis dhe Miniatures, si edhe disa lloje të caktuara të kutive të ëmbëlsirave me datat e skadencës nga 19 qershori 2016 deri më 8 janar 2017.