Dënime të rënda për katër anëtarë të ISIS-it në Zvicër

Ministria Publike e Konfederatës të martën ka kërkuar dënime me shtatë vjet e gjysmë burgim kundër dy nga katër irakianët e akuzuar për planifikim të një sulmi terrorist në Zvicër.

Gjyqtarja kërkoi pesë vjet e gjysmë burgim kundër të pandehurit të tretë dhe dy vjet e gjysmë, prej të cilëve gjashtë muaj pa kusht, kundër personit të katërt.

Gjatë argumenteve të saj përmbyllëse, përfaqësuesja e prokurorisë i përshkroi si “një tufë gënjeshtrash” shpjegimet e dhëna nga të pandehurit për të fshehur qëllimin e tyre kriminal.

“Motive të turpshme”

Gjyqtarja ka denoncuar veçanërisht “motivet e turpshme” të akuzuarve kryesorë, njeri i moshës 29-vjeçare, i cili lëvizte me karrocë për personat me aftësi të kufizuara. Ky irakian ka përfituar nga mikpritja e Zvicrës, duke abuzuar nga ndihmat sociale, ndërsa ishte i angazhuar në aktivitete kriminale.

Njeriun e dytë, për të cilën kërkohej një dënim prej 7 vjet e gjysmë, gjyqtarja e akuzoi gjithashtu për përfitim të asistencës sociale dhe për ndryshim të vazhdueshëm në deklaratat e tij.

Gjyqi vazhdon të mërkurën me argumentet e mbrojtjes. Gjyqi do të përfundojë sigurisht këtë fundjavë. Vendimi do të jepet më 18 mars.