Shefi i bankës UBS ka fituar 14.3 milionë franga

Shefi i bankës UBS ka fituar 14.3 milionë franga Pa llogaritur bonusin e shefit të CS, Ermotti i UBS me 14.3 milionë franga, del i pari në listë, i pasuar nga shef i gjigantit farmaceutik të Bazelit, Roche, Severin Schwan që ka fitiar 11.9 milionë

14.3 milionë franga i ka fituar gjatë vitit 2015 Sergio Ermotti, shefi i bankës UBS, më të madhes në Zvicër. Me këtë pagë ai qëndron mbi të gjithë konkurrentët e tij, shefa të kompanive të mëdha zvicerane.

Por, megjithatë, një homolog i tij, shefi i bankës konkurrente (Credit Suisse) të dytës në Zvicër, Tidjane Thiam, ka fituar gjatë vitit të kaluar dukshëm më shumë se Ermotti, gjegjësisht 18.9 milionë franga, shkruan sda.ch. Sigurisht, kjo nuk ka qenë paga e tij por në pjesën më të madhe është shuma që i është dhënë si shpagim për fitimin e humbur në momentin kur ka braktisur kompaninë e mëparshme britanike «Prudentium» për të kaluar në Credit Susisse.

Ndryshe, shuma e madhe që, sidoqoftë është paguar nga CS ne konton e Thiam, në kohën kur banka e tij po përjeton çaste jo te mira (ka pushuar nga puna 6000 veta), është kritikuar nga mediet e këtushme.

Sa i përket pagës «së pastër» vjetore, Thiam është i 18-në në ranglistën prej 20 shefave të kompanive të mëdha zvicerane, transmeton albinfo.ch. Ai është në këtë post vetëm nga 1 korriku i vitit 2015.

Pa llogaritur bonusin e shefit të CS, Ermotti del i pari në listë, i pasuar nga shef i gjigantit farmaceutik të Bazelit, Roche, Severin Schwan, u cili gjatë vitit të kaluar, në emër të pagës dhe bonusit ka fituar gjithsej 11.9 milionë franga. Rivali i tij i drejtpërdrejtë dhe lokal, shefi i gjigantit tjetër faraceutik po të Bazelit (Novartis), Joseph Jimenez është shpërblyer me 11.6 milionë franga dhe është radhitur i treti në ranglistë.

Më tutje, në vendin e katërt vjen kryemenaxheri i Transocean Jeremy Thipgen, e pas tij në të pestin shefi i ABB-së Ulrich Spiesshoffer, në të gjashtin ai i Nestle-s Paul Bulcke etj.