Ftohtë, borë dhe pritje të gjata për mërgimtarët

Siç mësohet kolonat në pikën kufitare në Merdarë janë të gjata me kilometra, derisa mërgimtarët duhet të presin disa orë për të kaluar kufirin

Përfundimi i festave nuk ka larguar kolonat e gjata për mërgimtarët. Tashmë ata po kanë shumë vështirësi të kthehen, pasi kaluan festat e fundvitit me familjet e tyre, raporton albinfo.ch.

Siç mësohet kolonat në pikën kufitare në Merdarë janë të gjata me kilometra, derisa mërgimtarët duhet të presin disa orë për të kaluar kufirin.

Bora që ka mbuluar Kosovën ka krijuar edhe më shumë vështirësi, sidomos në rrugën për Merdarë, kurse mërgimtarët përveç pritjes duhet të durojnë edhe të ftohtin për t’u kthyer nga ku ardhur.

Kujtojmë që ata ishin ballafaquar edhe me shumë vështirësi për të hyrë në Kosovë, ndërsa me shumë vështirësi po dalin edhe nga Kosova.