Darkë e veçantë me koncert të veçantë

Violinat dhe violonçelat ishin në qendër të vëmendjes bashkë me lugët dhe pirunët në koncertin e parë të operës së ushqimit në Paris. Kuzhinieri i shpërblyer me yllin Michelin, Frederic Anton përgatiti ushqimet nën tingujt e veprës së Thomas Roussel, i cili dirigjoi orkestrën prej 20 personash.

Në menynë me tre ushqime, në teatrin Trianon, u gjet havjari, akrepat, peshk, shumë salca dhe sufle me karamele.

“Ne presim, përziejmë, këpusim dhe bëjmë muzikë. Të gjitha këto korrespondojnë me njëra tjetrën dhe muzika përshtatet me gatimin” tha Anton, i cili udhëheq restorantin po ashtu të shpërblyer me tre yje Michelin, Le pre Catelan. Antonio Buono, specialitetet e të cilit me akrepa e kanë bërë finalistin më të ri në një garë prestigjioze të kuzhinierëve, i ishte bashkuar Antonit në tavolinë.

Salla ishte përgatitur që të zinte tavolina të vogla, me ç’rast u shërbyen 200 persona që fituan në një garë online të organizuar nga prodhuesi i ujit San Pellegrino.