Facebooku po i humb të rinjtë

(KEYSTONE/Christian Beutler)

Sipas të dhënave të “eMarketer”, rrjeti social Facebook është duke humbur përdoruesit e rinj në kohë më të shpejtë se përpara.

Teksa platforma sociale llogariste në Instagramin që të mbante përdoruesit e rinj, rrjeti tjetër Snapchat duket se ka nisur të rishpërthejë.

Për herë të parë pas një kohe të gjatë, më pak se gjysma e të rinjve 12-17 vjeçar në SHBA e përdorin Facebookun të paktën një herë në muaj.

Facebooku akoma është duke shtuar përdorues, por shkaktar janë përdoruesit më të vjetër në moshë. Në vitin 2018, në SHBA Facebooku pritet të shtojë 1 për qind të numrit të përdoruesve në krahasim me vitin e shkuar, transmeton Albinfo.ch.

Në vitin 2018, numri i përdoruesve të Facebookut 9.3 për qind e përdoruesve prej moshës 11 e më të rinj do të largohen nga ky rrjet.  Numri i përdoruesve prej moshës 12 deri 17 vjeç dhe 18 deri më 24 do të ulet për 5.6 për qind, respektivisht 5.8. Kjo është hera e parë që “eMarketer” ka parashikuar ulje të numrit të përdoruesve në Facebook.

Megjithatë, jo të gjithë këta do të kalojnë në Instagram. Instagrami pritet të shtojë 1.6 milion përdorues, për dallim prej Snapchatit që do të rritet për 1.9 milion.