Kosova
Veprimtari nga Zvicra dhuron libra për shkollat në Mitrovicë
Deri më tani, Rexha në Mitrovicë ka sjell rreth 5.000 libra të fushave të ndryshme, kryesisht në gjuhën angleze, gjermane dhe franceze
Mërgimtarët në diasporë vazhdojnë të kontribuojnë në Kosovë në fusha të ndryshme. Mërgimtari nga Mitrovica, Bahri Rexha, i cili jeton dhe punon në Zvicër, është një bamirës i njohur.
Ai si përfaqësues Shoqatës “Dora e Vendlindjes”, ka ndihmuar në mënyra të ndryshme institucione dhe qytetarë të Mitrovicës dhe më gjerë.
Deri më tani, Rexha në Mitrovicë ka sjell rreth 5.000 libra të fushave të ndryshme, kryesisht në gjuhën angleze, gjermane dhe franceze, përcjell albinfo.ch.
Këto ditë Bahriu ka ardhur nga Zvicra në Mitrovicë për të marrë pjesë në manifestimet për të shënuar 10 vjetorin e Pavarësisë së Kosovës. Mirëpo, edhe kësaj radhe nuk ka ardhur duarthatë, por si zakonisht me libra dhe ndihma të tjera.
Sot ai në Shkollën fillore “A. Z. Çajupi”, ka dhuruar 1010 libra. Drejtoresha e shkollës Melihate Meha, mësimdhënësit dhe nxënësit e shkollës, thanë se librat janë dhurata më e mirë që ndokush mund t’ju sjellë atyre.
Mërgimtari bëri të ditur se libra do të shpërndajë edhe shkollat e Rajonit të Shalës së Bajgorës dhe në disa shkolla tjera të Komunës së Mitrovicës.
Po ashtu, ai njoftoi se po gjatë ditës së sotme do të shpërndajnë nga një pako me veshmbathje për të gjithë të strehuarit në shtëpinë e pleqve në Skenderaj dhe Gurakoc të Istogut.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Swisscom gjobitet me 18 milionë CHF Swisscom është gjobitur me 18 milionë CHF për shkelje të ligjit të kartelit dhe konkurrencës së...
-
Ideja që i bashkon të gjitha partitë politike
-
Mori 1000 franga para bankomatit, 75-vjeçarja detyrohet t’i kthejë
-
Fitimet e Bankës Kombëtare të Zvicrës kthehen në nivel rekord
-
Komisioni zviceran kërkon që azilkërkuesit të deportohen në një vend të tretë