Reshjet e borës, Policia apelon për kujdes në trafik

Policia e Kosovës u ka bërë thirrje vozitësve që të kenë kujdes të shtuar gjatë pjesëmarrjes apo qarkullimit në trafikun rrugor.

“Vëmendje kërkohet, posaçërisht në këtë periudhë kur kemi të reshura atmosferike, ku mund të ketë kufizim të dukshmërisë, paraqitje të ngricave, rrugët bëhen më të rrëshqitshme dhe qarkullimi nëpër rrugë vështirësohet”, thuhet në apelin e policisë, përcjell albinfo.ch.

Po ashtu kërkohet nga drejtuesit e automjeteve të posedojnë pajisje dimërore dhe të respektojnë rregullat që dalin nga ligji i trafikut.