Kosova
Kelmendi paraqitet nga klinika, thotë se po i rrezikohet familja
“Ata na kanë kërcënuar në formën më të ulët, me e porosi për anëtarët e familjes. Ata nuk mund të lëvizin lirshëm, nëse unë e votoj demarkacionin”, ka theksuar Kelmendi
Deputeti i Lidhjes Demokratike të Kosovës (LDK), Ramiz Kelmendi ka treguar arsyet që nuk mund të shkojë në Kuvendin e Kosovës.
Ai për “RTV Dukagjini” është lajmëruar nga shtrati i Klinikës në të cilën është shtruar, dhe ku është duke e pastruar gjakun në tretman treditor, përcjell albinfo.ch.
“Qëndrimi im gjithmonë ka qenë kundër. Dihet vendi nga unë vijë, që jetoj dhe punoj atje. Është krijuar opinioni që të gjithë ata që e votojnë demarkacionin, janë tradhtar të vendit”, ka thënë Kelmendi, përcjell albinfo.ch.
Ai tha se do ta votonte demarkacionin sikur kërcënuesit ndaj tij dhe familjes së tij dalin e kërkojnë falje publike.
“Nëse nesër vazhdon parlamenti me punën dhe do të jem i gatshëm të vazhdoj procesin në Parlament. Gjithnjë kom besuar se demarkacioni ka qenë çështje vërtetë që nuk ka pasur nevojë të prolongohet. Unë kam qenë kundër për shkak të shqetësimeve të rugovasve që po humbin territor. Kam marrë kërcënime në emër personal dhe të anëtarëve të familjes. Për vete nuk kam frikë fare, por për anëtarët e familjes”, ka theksuar Kelmendi.
Ai ka konfirmuar se Policia e ka vizituar atë dhe familjen e tij në shtëpi, duke shtuar se e kanë dëgjuar edhe bashkëshorten e Kelmendit se nuk po mund të dalin në pronat të cilat i kanë në Rugovë, për shkak se po ndjehen të kërcënuar.
“Ata na kanë kërcënuar në formën më të ulët, me e porosi për anëtarët e familjes. Ata nuk mund të lëvizin lirshëm, nëse unë e votoj demarkacionin”, ka theksuar Kelmendi.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h