Rama: Serbia nuk do të hyjë në BE para Shqipërisë

Keystone EPA/MALTON DIBRA

Kryeministri i Shqipërisë, Edi Rama ka qenë në Bruksel, në kuadër të dëgjesës që u mbajt në Parlamentin Evropian “Miqtë e Shqipërisë”, në lidhje me anëtarësimin e vendit në BE.

Në një intervistë për “Politico.eu”, Rama është shprehur se është i sigurt që Serbia nuk hyn në BE para Shqipërisë, përcjell albinfo.ch.

Sipas kësaj medie, Mali i Zi dhe Serbia, janë disa hapa para, megjithatë, Rama beson se edhe Shqipëria shumë shpejt do të jetë pjesë e Bashkimit Evropian.

“Serbia nuk do të bëhet anëtare e BE përpara Shqipërisë. Kjo është diçka që dimë me siguri. Serbia duhet të kalojë përmes procesit të dhimbshëm të njohjes së Kosovës ose të paktën zgjidhjes së problemit me Kosovën. Ne kemi bërë pikërisht atë që na është kërkuar të bëjmë, kështu duhet të jetë e drejtë dhe duhet të jetë e parashikueshme dhe duhet të bazohet në merita”, ka theksuar Rama.

Ndonëse marrëdhëniet midis Beogradit dhe Tiranës janë përmirësuar ndjeshëm gjatë viteve të fundit, mbetet tension dhe rivalitet mes dy vendeve, shkruan media amerikane “Politico.eu”.

https://www.politico.eu/article/serbia-wont-join-eu-before-us-albanian-pm-says/