Festa e pranverës në Renens me valle shqiptare

Shoqata Dona ka për qëllim integrimin dhe aktivitete të ndryshme kulturore artistike

Më 24 mars u mbajt festa e pranverës në Renens, në Kantonin Vaud të Zvicrës. Në këtë festë të madhe morën pjesë shume shoqata të komuniteteve të ndryshme, dhe një publikë shumë i gjerë.

Kësaj feste i është bashkuar edhe shoqata e parë shqiptare e krijuar në Renens. Shoqata Dona u prit shumë mirë nga publiku dhe pati një interesim bukur të gjerë nga pjesëmarrësit. Dona ju shërbeu me disa specialitete tradicionale shqiptare, përcjell albinfo.ch.

“Festën edhe më të leverdishme dhe gazmore e beri shoqata Teuta nga Lozana të cilën e falënderojmë për bashkëpunimin, ku i dha ngjyrë kuqezi festës, me vallëzime të ndryshme tradicionale, ku tërhoqi vëmendjen e gjithë publikut prezent nga ku u duartrokitën.

Shoqata Dona ka për qëllim integrimin dhe aktivitete të ndryshme kulturore artistike”, thuhet në njoftimin e kësaj shoqate.

Aktiviteti i ardhshëm do të jetë një feste mjaft e popullarizuar në Lozanë e rrethinë, që është Festimix dhe mbahet në Renens.