Erërat dëmtojnë spitalin në Pejë

Pas erës së fortë të para dy ditëve, Spitali i Përgjithshëm në Pejë ka pasur dëmtime në kulmin ku gjenden sallat e operacionit dhe ranimimit.

Drejtuesit e këtij spitali thonë se janë duke bërë përpjekje për funksionalizim të sallave të operacionit, përcjell albinfo.ch.

“Si pasojë e heqjes së mbulesës së kulmit dhe shiut të dendur, janë shkaktuar dëme në instalimin elektrik dhe për momentin sallat janë jashtë funksionit, hiq një sallë për raste urgjente. Spitali i Përgjithshëm në Pejë është duke ndërmarrë të gjitha veprimet që të bëhen riparimet e nevojshme dhe funksionalizimi i sallave të bëhet sa më parë”, thuhet në njoftim.