E-Diaspora
Hadisi dhe Festimi, gjurmëve të vëllezërve Seferi
Dy vëllezër me prejardhje nga Pallqishti i Tetovës, por të lindur në Zvicër, Hadis e Festim Ademi po habisin ekspertët e këtij vendi me kualitet që po i tregojnë në këtë vend, madje nga tani po shikohen së zëvendësues të vëllezërve Klitçko
Me boks kanë filluar të merren 9 vite më parë dhe ushtrojnë tek klubi i Nuri Seferit në Burgdorf. Hadisi 18 vjeçar deri tani ka 15 ndeshje, kurse Festimi 15-vjeçar ka 14 ndeshje, kryesisht nga kampionati zviceran, ku edhe janë kampionë. I pari ka qenë një herë kampion i Zvicrës, ndërsa më i riu katër herë kampion.
“Boksi na ka interesuar shumë mua dhe vëllait tim dhe dëshirën më të madhe për tu marrë me këtë sport e kemi nga fakti se gjithnjë i shikonim në televizor ndeshjet e sidomos të vëllezërve Klitçko, por edhe të Nuri e Sefer Seferit. Kështu gjithnjë jemi të motivuar në stërvitje dhe japim maksimumin dhe suksesi nuk po mungon pasi jemi bërë edhe kampion të Zvicrës”, thotë enkas për Albinfo.ch vëllai i madh Hadisi, duke shtuar se mbështetjen më të madhe e ka nga vëllezërit Seferi, por edhe nga familja.
“Trajnerët tanë nuk lodhen asnjëherë duke na përgatitur dhe për këtë jemi shumë mirënjohës, ndërkohë që përkrahje kemi shumë edhe nga familja, ndër ta edhe gjyshi ynë Veli Ademi që na përcjell kudo që paraqitemi”, pohojnë vëllezërit Ademi.
Ndryshe, Veli Ademi është një adhurues i flaktë i boksit. “Ne do të japim maksimumin për të realizuar ëndrrat tonë si boksier profesionistë dhe të vazhdojmë me vëllain tim dhe trajnerët synimin për tu bërë kampion bote”, theksojnë talentet e rinj.
Në kampionatin e Zvicrës 2018, vëllezërit Ademi i fituan ndeshjet eliminatore. Hadisi e shkatërroi serbin Daniel Stankoviq, ndërsa Festimi eliminoi një arab.
Por në finale, gjyqtarët ishin të pamëshirshëm dhe në mënyrë të padrejtë ua dhuruan fitoren kundërshtarëve. “Kjo na bën edhe më të fortë dhe na motivon që të vazhdojmë të ngjitemi në piedestalin më të lartë me vëllain dhe me trajnerët tanë, Nuri dhe Sefer Seferi”.
Të tjera nga E-Diaspora
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve