Dy persona të vrarë në Payerne

Në Payerne të Kantonit Vaud, mbrëmjen e së mërkurës rreth orës 18.30, janë dëgjuar të shtëna armësh, shkruajnë mediat zvicerane, përcjell Albinfo.ch. Ngjarja ka ndodhur në afërsi të stacionit hekurudhor në rrugën “Rue de la Gare”, në një godinë banimi.

Sipas «20minutes» dyshohet se janë shtënë midis 20 e 30 plumba, me ç`rast janë shkaktuar edhe viktima. Një fqinj ka pohuar se gjithkah nëpër shkallë ka pasur gëzhoja plumbash. Sipas informatave më të reja policore të së enjtes, në këtë përleshje janë vrarë dy persona.

Pas kësaj ngjarje, disa dëshmitarë e kanë parë një grua në ballkon duke qarë. Sipas të gjitha gjasave, bëhet fjalë për një dramë familjare.