Francezët revoltohen për investimin në Shqipëri

Menaxhmenti dëshiron të shpenzojë nga 2 deri në 6 milionë euro qarkullim në Shqipëri, duke zhvendosur një pjesë të zinxhirit të automjeteve nga Perigordi, në Europën Lindore

Ka qenë një goditje e rëndë për 250 punëtorët e sipërmarrjes franceze Socat. Pasditen e së martës, menaxhmenti i ka konfirmuar stafit të zgjedhur në një këshillim të punës, një zhvendosje të re të prodhimit në Shqipëri, që në mënyrë indirekte kërcënon 20 vende pune në Dordogne, shkruajnë mediat franceze, përcjell Albinfo.ch.

Thashethemet tashmë janë konfirmuar. Gjatë një këshillimi të punës, menaxhmenti i Socat, i cili prodhon pjesë automobilistike dhe aeronautike në Terrasson-Lavilledieu, ka njoftuar se ka përfunduar prodhimi. Ata duan të trefishojnë prodhimin në Shqipëri, në dëm të këtij rrjeti prodhues.

Menaxhmenti dëshiron të shpenzojë nga 2 deri në 6 milionë euro qarkullim në Shqipëri, duke zhvendosur një pjesë të zinxhirit të automjeteve nga Perigordi, në Europën Lindore, njofton më tej Albinfo.ch.

Në Dordogne, 20 për momentin njëzet persona punojnë në këto makina.

Menaxhmenti gjithashtu thotë se 20 vendet e punës nuk do të suprimohen. Ajo preferon të ruajë këto vende pune dhe të ndalojë angazhimin e punëtorëve të përkohshëm. Aktualisht, ata janë 30 persona që punojnë në Socat, disa për më shumë se një vit, sipas Konfederatës së përgjithshme franceze për punë CGT, informon Albinfo.ch.

Menaxhmenti nuk ka sqaruar për ndonjë plan social të “thatë” për vitin 2019, e gjithashtu edhe nuk ka qenë në gjendje të paraqesë një plan ekonomik trevjeçar për sindikatat. Sipas delegatit të CGT, Guy Estruc, “shefat dukeshin të shqetësuar” për të ardhmen. Sindikatat kanë frikë nga më e keqja: Eliminimi i vendeve të punës brenda tre vitesh.Disa takime me menaxhmentin dhe punëtorët do të mbahen javën e ardhshme, për njoftime zyrtare, njofton Albinfo.ch.

Në këtë klimë shumë të tensionuar mes menaxhmentit dhe punëtorëve, më shumë se 80 për qind e stafit, mëngjesin e së martës e kanë ndërprerë punën nga ora 11 deri në 13. Ata e kanë denoncuar shkarkimin e radhës, ende jo të regjistruar, të një kolegu i cili ka punuar për 28 vite në Socat. Bazuar në thashethemet, CGT flet për një shkarkim të padrejtë.

---