Frangat e vjetra mund t’i ruani deri më 2020

(KEYSTONE/Gaetan Bally)

Kartëmonedhat e vjetra nuk mund të shkëmbehen pafundësisht. Kështu është vendosur që t’i përmbahen periudhës së aplikueshme të shkëmbimit prej 20 vjetësh, përcjell albinfo.ch.

Kartëmonedhat prej 100 frangave duhet të shkëmbehet deri në maj 2020, këtë e kërkon Këshilli i Shteteve. Këshilli Federal mundësisht dëshiron të bëjë shkëmbimin e përhershëm.

Frangat e vjetra me vlerë prej 100 frangash janë të zbukuruara me një portret të arkitektit Francesco Borromini. Nga kjo seri janë ende mbi 1 miliard franga në qarkullim, siç tha ministri i Financave, Ueli Maurer. Periudha e konvertimit skadon në maj 2020.

Edhe jetëgjatësia, edhe lëvizshmëria e popullsisë është rritur, pohon qeveria. Heqja e periudhës së konvertimit do të parandalonte që dikush papritur të kishte kartëmonedha të pavlerë.

Këshilli Federal u referohej gjithashtu rregullave në vende të tjera. Kartëmonedhat e valutave ndërkombëtare të rëndësishme dhe të tregtuara në nivel global mund të shkëmbeheshin për një kohë të pacaktuar, shkruante ai në nje mesazh në Parlament.