Shënohet në Paris 20-vjetori i paqes në Kosovë

Në katedralën “Saint Louis des Invalides” në Paris u shënua 20-vjetori i paqes në Kosovë. 

Ky përvjetor u shënua me një koncert të Filarmonisë së Kosovës, e cila interpretoi veprën “Njeriu i armatosur – meshë për paqen”, kushtuar viktimave të luftës në Kosovë, përcjell albinfo.ch. 

Këtë koncert paqeje e ndoq nga një numër i madh i personaliteteve nga jeta politike e kulturore në  Francë. Ky koncert gjithashtu u mbështet nga Ministria e Diasporës dhe Investimeve Strategjike, në bashkëpunim me Ambasadën e Republikës së Kosovës në Francë.