E-Diaspora
Nëpunësi austriak u ka shitur lejeqëndrimi 29 kosovarëve: 9000 euro për person
Veç 29 kosovarëve, në grupin e përfituesve janë edhe 7 shtetas të Serbisë, 6 të Maqedonisë, 2 të Bosnjës, një nga Kroacia, një nga Ukraina dhe një nga Moldavia
Në Gjykatën e Landit Wiener Neustadt ka filluar të mërkurën një proces i madh gjyqësor me 51 persona të akuzar. I akuzuari kryesor është një zyrtar 56-vjeçar austriak, i cili ngarkohet se u ka shitur të huajve leje qëndrimi në Austri, njofton APA (Agjencia Austriake e Lajmeve).
Krahas tij, akuzohen edhe tre ndërmjetësues si dhe 47 personat që kanë përfituar me pagesë lejet e qëndrimit. Në mesin e tyre janë 29 shtetas kosovarë.
Sipas deklarimit të avokatit të tij, i akuzuari kryesor (zyrtari 56-vjeçar) ka pranuar pjesërisht fajësinë, gjegjësisht keqpërdorimin e pozitës zyrtare, por ka hedhur poshtë akuzën për korruptim, transmeton albinfo.ch. I përmenduri akuzohet se ka shpërndarë leje qëndrimi për të huajt, pa pasur mbështetje në ligjin mbi azilin.
Duke e bërë këtë, ai asnjëherë nuk ka ndarë vendime pozitive të azilit (njohje të statusit të qëndrimit mbi bazën e kërkimit të azilit), por leje të ndryshme qëndrimi, transmeton albinfo.ch. Për këtë shërbim ai kishte marrë para: disa mijëra euro për secilin rast.
Akuzat ishin bërë për herë të parë të njohura në prill të vitit 2017. Zyrtari në fjalë ka qenë i punësuar në një zyrë të jashtme (degë) të Entit Federal për të huaj dhe azil (BFA). Pas bërjes të njohur të rastit, ai është pezulluar nga puna.
Veç 29-kosovarëve, në grupin e përfituesve janë edhe 7 shtetas të Serbisë, 6 të Maqedonisë, 2 të Bosnjës, një nga Kroacia, një nga Ukraina dhe një nga Moldavia.
Mediat e tjera austriake shkruajnë po ashtu se në varësi nga përkatësia shtetërore ata kanë paguar deri në 9000 euro për person, përcjell albinfo.ch. Sipas tyre, një përkthyese boshnjake ka shërbyer si ndërmjetësuese dhe ajo ka marrë për secilin rast të ndërmjetësuar nga 500 euro.
Për shkak të numrit të madh të pjesëmarrësve: 51 të akuzuar, 51 avokatë dhe katër përkthyes, në sallën e gjykatës ishte bërë ngushtë, paraditen e të mërkurës. Për këtë arsye procesi është përcjellë përmes transmetimit me video xhirim në sallën e dytë.
Po kështu, për shkak të numrit të madh të të akuzuarve, janë paraparë 16 seanca gjyqësore deri më 18 dhjetor.
I akuzuari kryesor, në rast se dënohet, pritet të marrë një dënim me burgim deri në 5 vjet.
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë