Barazia (jo) gjinore në punë: Po, edhe burrat diskriminohen

@pixabay

Duket se stereotipet dhe rolet gjinore gjithashtu ndëshkojnë burrat që kërkojnë punë, sipas një studimi të fundit nga Qendra Kërkimore Ekonomike e KOF.

“Burrat që duan punë me kohë të pjesshme duken të dyshimtë për rekrutuesit”, tha autori i studimit Daniel Kopp.

Pse? Kjo bie ndesh me imazhin tradicional të burrit si mbështetja kryesore financiare e familjes – arsyeja pse këta burra shmangen nga rekrutuesit. Shpesh kjo nuk është as e qëllimshme. “Mund të jetë një reagim i pavetëdijshëm”, vuri në dukje Kopp, shkruan The Local, përcjell albinfo.ch.

Nëse këta burra aplikojnë për ndonjë punë që është më pak se me orar të plotë, “rekrutuesi është tashmë i dyshimtë. Lloji i tyre i arsimimit ose përvojës profesionale është vetëm i një rëndësie dytësore”, thuhet në studim.