Lajme
Kosovari akuzohet se ka grabitur dhe rrahur gruan e posanjohur, në hotel
Në kohën që gruaja shkoi në tualet, shoqëruesi i saj i ka vjedhur rreth 1000 euro nga portofoli i saj, sipas Departamentit të Policisë së Shtetit Vorarlberg
Një njohje spontane nga kafeneja ka rezultuar në një makth të vërtetë për një grua nga Bregenz-i i Austrisë, transmeton albinfo.ch. Në orët e mëngjesit të 24 dhjetorit, 28-vjeçarja ka takuar një burrë në një lokal në Bregenz (në kufi me Zvicrën).
Ata vendosën të merrnin me qira së bashku, një dhomë në një hotel.
Në kohën që gruaja shkoi në tualet, shoqëruesi i saj i ka vjedhur rreth 1000 euro nga portofoli i saj, sipas Departamentit të Policisë së Shtetit Vorarlberg. 28-vjeçarja e ka vënë re këtë vjedhje vetëm kur ka dashur të blinte cigare në stacionin e trenit.
Pasi ishte kthyer dhe e kishte pyetur burrin për paratë e humbura, ai kishte mohuar t’i kishte marrë paratë, shkruan 20minuten.ch. Sipas policisë, më pas ishte zhvilluar një debat i cili kishte rezultuar në një numër goditjesh të gruas nga burri. Gruaja që kishte pësuar lëndime më pas ka thirrur numrin e urgjencës së policisë dhe burri qe larguar drejt stacionit të trenit.
Nëpërmjet hetimeve në zonën lokale dhe bisedave me kalimtarë, në të cilat ishin përfshirë dymbëdhjetë patrulla radiofonike, oficerët e PI Bregenz arritën të zbulojnë identitetin e burrit, përcjell albinfo.ch. I kërkuari është një shtetas kosovar 31 vjeç me banim në Konstanz. Ai do të raportohet te prokurori publik.
Të ngjashme
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Gjashtë gjëra që duhet të dini për pagat në Zvicër Nëse jetoni dhe punoni tashmë në Zvicër, (ose jeni gati të zhvendoseni këtu), ndoshta jeni njohur...
-
Cilat profesione janë më të paarritshme nga të huajt në Zvicër
-
Kush është gruaja që ju flet shqip kur fluturoni me CHAIR?
-
Restoranti i famshëm indian nuk mund të hapet në Cyrih, pasi kuzhinierëve iu refuzuan lejet
-
Përhapet mushkonja tigër: Zbulohen dy lloje në Aargau