Berna, pro ndalimit të lypjes

Ekzekutivi i Bernës është i bindur se një rregullim më konkret do të garantonte siguri ligjore si për lypësit, ashtu edhe për pjesën tjetër të popullsisë

Këshilli i Shtetit i Bernës tha se ishte në favor të rivendosjes së ndalimit të lypjes në kanton dhe rekomandoi që Këshilli i Madh të miratonte një mocion të paraqitur nga UDC, i cili parashikon masa konkrete kundër bandave të organizuara. Në kanton ndalimi i lypjes u hoq në vitin 1991 dhe që atëherë u takon komunave individuale të vendosin nëse do ta ndalojnë apo jo lypjen, përcjell albinfo.ch.

Langnau im Emmental, Bienne ose vetë qyteti federal, për shembull, kanë rifutur ndalimin e lypjes. Kjo “mospërputhje rajonale” i shtyu democentristët të avancojnë mocionin, të mbështetur nga qeveria kantonale, e cila u përgjigj të hënën, duke thënë se ishte e bindur se një rregullim më konkret do të garantonte siguri ligjore si për lypësit ashtu edhe për pjesën tjetër të popullsisë.

“Bazat aktuale ligjore nuk mbulojnë të gjitha aspektet problematike të lypjes”, shpjegon Ekzekutivi, i cili megjithatë pranon se jo të gjitha komunat kanë nevojë për të njëjtën vëmendje. Lypësit shpesh u përkasin bandave të organizuara me struktura të tipit mafioz. Për këtë arsye, është veçanërisht e rëndësishme të luftohet trafikimi i qenieve njerëzore pas lypjes, vëren gjithashtu qeveria e Bernes, përcjell tutje albinfo.ch.

 

---