Shkurt.ch
Partia SVP-UDC akuzohet për racizëm ndaj kosovarëve
Mediet zvicerane njoftojnë se sekretari i përgjithshëm i SVP-UDC-së, Martin Baltisser dhe zëvendësja e tij, Silvia Bär, duhet të përgjigjen para drejtësisë për diskriminim racial. Ata janë objekt i një padie për shkak të shpalljes që pohonte se “Kosovarët therin zviceranët”, shpallje kjo e shpërndarë gjatë fushatës mbi iniciativën kundër imigrimit masiv.
Akti i aktakuzës, në të cilin agjencia telegrafike zvicerane (ats-sda) ka pasur qasje, Ministria Publike e Berne-Mittelland kërkon kundër z. Baltisser dhe zonjës Bär dënime financiare me kusht. Për shkak të këtij publikimi, dy kuadrot e SVP-UDC-së akuzohen për diskriminim racial të përsëritur dhe të qëllimshëm.
Padia i ka në shënjestër këto dy kuadro, sepse kanë kontribuar me të madhe në shpërndarjen e kësaj shpalljeje, në bashkëpunim me kryetarin e SVP-UDC-së, Toni Brunner. Brunner, nga ana e tij, nuk do të ketë nevojë të ulet në bankën e të akuzuarve, edhe pse procedura penale e iniciuar fillimisht drejtohej kundër tij. Në vitin 2013, Parlamenti pati refuzuar t’ia heqë imunitetin këtij deputeti nga St-Gallen.
Iniciativa kundër imigrimit masiv është pranuar nga populli dhe kantonet gjatë votimit të mbajtur më 9 shkurt 2014.
Duke iu referuar padisë, disa medie zvicerane thonë se ajo mund të sjellë në pikëpyetje edhe vetë rezultatin e votimit të 9 shkurtit. Sipas tyre, fitorja e ngushtë e iniciativës në fjalë është arritur edhe falë manipulimit me ndjenja të qytetarëve zviceranë përmes pllakatit të përmendur sipas të cilit “kosovarët therin zviceranët”.
Kundër SVP/UDC-së dhe dy krerëve të saj padinë e kishte ngritur avokati i njohur nga Cyrihu David Gibor, i cili në këtë rast përfaqëson dy shqiptarë të paidentifikuar të Kosovës me qëndrim në Zvicër.
Të tjera nga Shkurt.ch
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën