Lajme
Arbër Rama (EAZ), me më së shumti nominime për çmimin zviceran të muzikës
Reperi nga Cyrihu, me rrënjë nga Kosova, nominohet në tri kategori të ndryshme për çmimin që ndahet më 8 maj
Të mërkurën, më 10 prill, janë shpallur të nominuarit për Çmimet e Muzikës Zvicerane, të 17-tat me radhë (17. Swiss Music Awards). Votimi publik ka qenë i hapur që nga ora e drekës së së mërkurës dhe do të zgjasë deri më 21 prill, transmeton albinfo.ch
Reperi shqiptar Arbër Rama, i njohur me emrin artistik EAZ mban rekordin sa i përket numrit të nominimeve. Ai është nominuar pra në tri kategori për çmimin më të madh zviceran të muzikës së popullarizuar.
Së pari, këngëtari i repit, EAZ krahas këngëtarëve Baschi dhe Göla mund të kenë shpresa për çmimin “Best Male Act” (interpretimi më i mirë i meshkujve. Ndërsa Beatrice Egli, Joya Marleen apo Seraina Telli mund të shpallen “Best Female Act”, siç njoftojnë organizatorët.
I nominuar në kategorinë “Best Hit” është po ashtu EAZ me këngën “Juicy”, pastaj grupi Hecht me këngën “Amigo” dhe Remo Forrer me “Watergun”.
EAZ, reperi i Cyrihut me rrënjë kosovare, tashmë dy herë është nominuar për çmimin zviceran të muzikës. Ai gjatë dy tre viteve të fundit ka thyer rekorde sa i takon dëgjimit dhe transmetimit (Streaming), shkruan albinfo.ch. Kështu, mund të thuhet se Rama ka qenë ndër më meritorët në vlerësimin e publikuar vitin e kaluar se këngëtarët me rrënjë shqiptare po ua kalojnë kolegëve të tyre që kultivojnë muzikë tradicionale zvicerane.
Mbrëmjes së çmimeve i janë shtuar gjithashtu edhe dy kategori të reja këtë vit: “Best Streaming Artist” (ku bën pjesë edhe EAZ, alias Arbër Rama) dhe “Most Rising Artist Social Media”.
Spektakli “Swiss Music Awards” do të mbahet më 8 maj.
Të ngjashme
Të tjera nga Lajme
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
S’ka para nga qeveria zvicerane për Eurovizion 2025 Ndërsa qytetet e mundshme konkurrojnë për të drejtën për të pritur Konkursin e Këngës në Eurovizion...
-
Ky fshat në Zvicër po projekton diçka të veçantë për turistët
-
Prokuroria kërkon 18 vjet burgim për autorin e vrasjes së Shqiponja Isufit
-
Të dhënat e pasagjerëve ajror duhet të jenë në gjendje të përdoren nga policia
-
Zvicër: Një burrë plagos disa persona në Zofingen