Shqipëri: Gjysmë milioni vizitorë të huaj në janar, rritje krahasuar me vitet e kaluara

@unsplash

Shqipëria ka pritur 560 mijë vizitorë të huaj gjatë janarit të këtij viti, një rritje prej 14.5% krahasuar me vitin e kaluar dhe gati tre herë më shumë se tre vjet më parë. Të dhënat u publikuan nga kryeministri i Shqipërisë, Edi Rama, përcjell albinfo.ch.

“Më shumë se gjysmë milionë vizitorë e turistë të huaj vetëm në muajin e parë të vitit, kur ende turizmi ynë malor ka nevojë për më shumë investime, tregojnë se Shqipëria e ka lënë pas turizmin sezonal dhe ka konsoliduar një kapitull të ri në turizmin e qëndrueshëm ku po vizitohet nëpër bujtina, shtigje malore, ngjitje majash, qytete historike, muze e kështjella, ndërsa në katër vitet e ardhshme do të jetë kampione absolute e Ballkanit në këtë industri”, shkruan ai.