Priten temperatura të larta në Zvicër

Të nxehtit i madh pritet këtë javë në mes të premtes dhe të dielës

Në Zvicër çdo ditë e më shumë po bëhet nxehtë e më nxehtë.

Temperaturat kanë arritur në 35 gradë, por nuk përjashtohet të shkojnë deri  37 ose 38 gradë, paralajmërojnë meteorologët nga Meteo Swiss.

Në Gjenevë temperaturat kanë mbërritur deri 32.0 gradë, në Aarau, 31 gradë, në veri të qytetit të Cyrihut 29.7 gradë.

Në pjesën perëndimore dhe në Valais temperaturat maksimale kanë shkuar deri në 34 gradë. Nga e premtja deri të dielën temperaturat maksimale do të lëvizin mes 34 e 37 gradë, në qytete ka të ngjarë të jetë edhe më nxehtë. Javën e ardhshme temperaturat fillojnë të bien ngadalë.