Kosova në fokus të Parlamenti Evropian: Thirrje për njohje dhe avancim drejt BE-së

Parlamenti Evropian kërkon hapa konkretë për integrimin e Kosovës në BE

Mbështetje për rrugën euroatlantike të Kosovës, por edhe kritika për bllokadat e brendshme politike, ishin mesazhet kryesore që u dhanë gjatë debatit për Kosovën në Komisionin për Politikë të Jashtme të Parlamenti Evropian, përcjell albinfo.ch.

Debati u zhvillua mbi raportin e përgatitur nga raportuesi për Kosovën, Riho Terras, i cili foli për vizitën e tij në vend dhe për procesin e hartimit të dokumentit. Ai vlerësoi pozitivisht procesin zgjedhor në Kosovë, por theksoi se bllokadat politike kanë penguar zbatimin e reformave të nevojshme.

Në raport u ngritën shqetësime edhe për lirinë e mediave, duke përmendur mungesën e transparencës në pronësinë e tyre. Disa eurodeputetë kërkuan më shumë mbështetje për mediat e pavarura, duke i konsideruar ato si shtyllë të një shoqërie demokratike.

Terras kritikoi gjithashtu masat ndëshkuese të Bashkimit Evropian ndaj Kosovës, duke theksuar se ato kanë pasur pasoja të rënda për qytetarët dhe shoqërinë civile. Ai kërkoi që këto masa të hiqen plotësisht, ndërsa u bëri thirrje edhe pesë vendeve të Bashkimi Evropian që ende nuk e kanë njohur Kosovën, ta bëjnë një gjë të tillë.

Gjatë debatit, eurodeputeti kroat Davor Ivo Stier kërkoi që Kosovës t’i jepet statusi i vendit kandidat, duke theksuar se pavarësia e saj është konfirmuar si e ligjshme nga Gjykata Ndërkombëtare e Drejtësisë.

“Ka ardhur koha që BE t’i japë Kosovës statusin e vendit kandidat”, u shpreh ai, duke shtuar se sfidat kryesore të vendit mbeten të brendshme, sidomos mungesa e unitetit politik.

Nga ana tjetër, përfaqësuesi i Komisioni Evropian, Jiri Plecity, u shpreh se kishte pritje për më shumë stabilitet pas formimit të qeverisë, por theksoi se zhvillimet politike, përfshirë çështjen e presidentit, kanë krijuar pasiguri.

Ndërkohë, përfaqësuesja e European External Action Service, Anne Kempainen, përshëndeti përparimin në zbatimin e Ligjit për të huajt, duke e cilësuar atë si hap drejt integrimit institucional, por theksoi se Kosova duhet të përmbushë kriteret për integrim në BE.

Në draft-raport theksohet se viti i kaluar është karakterizuar nga krizë dhe paralizë politike, duke u konsideruar si një vit i humbur për Kosovën. Megjithatë, dokumenti mbështet qartë aspiratat e vendit për anëtarësim në Bashkimi Evropian, Council of Europe dhe NATO.

Raporti gjithashtu riafirmon mbështetjen për dialogun mes Kosovës dhe Serbisë, duke kërkuar që ai të përfundojë me njohje të ndërsjellë.

Në të njëjtën kohë, gjatë debatit për Serbinë në Parlamenti Evropian, shumica e eurodeputetëve kritikuan ashpër Beogradin, duke kërkuar që të ndalet mbështetja financiare dhe avancimi në integrime, derisa të ketë ndryshim konkret në qasjen e tij, përfshirë edhe zbardhjen e sulmit në Banjskë në vitin 2023./Albinfo.ch

---