Orari i punës për shitoret, i njëjtë në tërë Zvicrën

Komisioni për ekonomi në Parlamentin e Zvicrës synon të sjellë një ligj që do të lejonte dyqanet të punojnë më gjatë tërë javën.

Dyqanet  duhet të jenë të hapura në gjithë Zvicrën nga e hëna deri të premten deri në orën 20.

Një komision për ekonomi në Parlament (WAK) ka bërë thirrje për një ligj që do të lejonte një orar më të gjatë për shitoret.

Këshilli i Shteteve, Senati, kishte vendosur në sesionin e vjeshtës për të mos bërë ndryshime të ligjit në fjalë.

Por, Parlamenti synon me këtë ligj të lejojë dyqane në gjithë Zvicrën gjatë tërë javës të punojnë nga ora 6-20 dhe të shtunën nga ora 6 deri 19.

Përkrahësit e arsyetojnë zgjatjen e orarit të punës si një masë kundër shopingut jashtë vendit.