AAK-ja takon shoqatat e dala nga lufta për situatën politike

Grupi Parlamentar i Aleancës për Ardhmërinë e Kosovës do të diskutojë të hënën, siç kanë njoftuar, për situatën e rëndë politike në Kosovë.

Të hënën diskutohet me përfaqësuesit e shoqatave të dala nga lufta, shoqatat e të burgosurve politikë, shoqatat e të pagjeturve si dhe udhëheqës të UÇK-së, bën të ditur kjo parti, përcjell albinfo.ch.

Po ashtu, thuhet se diskutimet “do të nxjerrin modalitetet e mundshme për të dalë nga kjo situatë me pjesëmarrës nga jeta publike, ekspertë të fushave, përfaqësues të shoqërisë civile dhe mediave”.

Takimi mbahet në orën 12:00 në Kuvendin e Kosovës.