Ajeti zyrtarizohet te Torino

Gjatë mesditës të së enjtes, nën kujdesin e babait të tij dhe vëllait të Xherdan Shaqirit, Erdinit, të cilët ishin personat që u morën ekskluzivisht me këtë operacion, Ajeti zyrtarizoi të ardhmen e tij tek skuadra e Torinos

Mbrojtësi i Kombëtares shqiptare, Arlind Ajeti u prezantua te skuadra e Torinos në Serie A. Ai edicionin e kaluar luajti në Frosinine, shkruan albinfo.ch.

Mbrojtësi i kombëtares shqiptare pasi kaloi me sukses testet mjekësore, firmosi kontratën që do ta mbajë të paktën tre vjet te Torino, por gjithashtu në kontratën mes palëve është firmosur dhe një opsion rinovimi për 2 vite të tjerë, pra ne total një kontratë gati 5-vjeçare për mbrojtësin e kombëtares se Shqipërisë.

Nga kontrata e firmosur me Torinon, Ajeti do të përfitojë 500 mijë euro në sezon, plus bonuse, ndërsa mes palëve nuk është vendosur një klauzole në rast largimi nga skuadra e Torinos.

Gjatë mesditës të së enjtes, nën kujdesin e babait të tij dhe vëllait të Xherdan Shaqirit, Erdinit, të cilët ishin personat që u morën ekskluzivisht me këtë operacion, Ajeti zyrtarizoi të ardhmen e tij tek skuadra e Torinos në të cilën pritet të mbaje numrin 93 ku do të zëvendësoj Kamil Glik të larguar në kampionatin francez me Monaco.