Aksident treni: një i lënduar rëndë

Një person ka marrë lëndime të rënda dhe është transportuar me helikopter për në Bernë. Një numër i madh pasagjerësh kanë pësuar lëndime të lehta

Në një aksident që ka ndodhur në Mörel të kantonit Valis paraditen e të hënës kanë pësuar lëndime një numër i madh udhëtarësh, ndërsa së paku njëri prej tyre ka marrë lëndime të rënda.

Aksidenti ka ndodhur kur treni i linjës Matterhorn-Gotthard është ndeshur me një kamion në një pikë të pambikëqyrur të hekurudhës ku rruga automobilistike kryqëzohet me atë hekurudhore. Dy vagonë të trenit me këtë rast kanë dalë nga binarët, njofton srf.ch, duke iu referuar radios private lokale radio rottu.

Policia kantonale e Valisit konfirmon se  një person me këtë rast ka marrë lëndime të rënda dhe është transportuar me helikopter për në spitalin Insel të Bernës. Një numër personash tjerë janë lënduar lehtë.

Ndeshja ka ndodhur në orën 10.45. Policia porosit popullatën që të mos marrë rrugën në drejtim të Goms-it me në mënyrë  që të mos pengohen njerëzit që janë duke bërë punë në shpëtimin e të lënduarve.