Aksident zinxhiror në Fushë-Kosovë, shtatë persona të lënduar

Një aksident ka ndodhur në Bresje të Fushë-Kosovës ku si pasojë kanë mbetur të lënduar shtatë persona. Në aksident janë përfshirë tetë vetura.

Lajmin për Gazetën Express e ka konfirmuar zëdhënësi i Policisë, Bajram Krasniqi.

“Aksidenti ka ndodhur në dalje të Fushë-Kosovës, drejtimi për Sllatinë, në ora 17:25. Në aksident janë përfshirë tetë vetura, si pasojë e aksidentit janë lënduar shtatë persona”, ka thënë ai, përcjell albinfo.ch.

Në aksident janë përfshire tetë automjete, duke përfshirë edhe një autobus.

Policia e Kosovës ka dalë në vendin e ngjarjes.

---