Kosova
Aksion për pastrimin e Drinit të Bardhë dhe Ujëvarës së Mirushës
Në kuadër të Ditës Ndërkombëtare të Mjedisit, organizata “Let’s do it Kosova” po organizon dy aksione për pastrimin e mjedisit, përcjell albinfo.ch.
Në datat 5 dhe 6 qershor, “Let’s do it Kosova u ka bërë thirrje qytetarëve që të dalin e të pastrojnë Drinin e Bardhë dhe Ujvarën e Mirushës.
“Kosova është e pasur me burime të shumta ujore. Por, është për keqardhje se si këto pasuri natyrore po degradohen dita ditës nga aktiviteti njerëzor, siç është ndotja nga mbeturinat e shumta. Duke ju kërkuar secilit prej jush që të mos rrini duarkryq, “Let’s Do It” ju fton që t’i bashkoheni nismës tonë për pastrimin e dy prej perlave të vendit tonë: Ujëvarën e Drinit të Bardhë dhe atë të Mirushës”, thuhet në njoftim.
Për vullnetarët pjesëmarrës, organizata do të mbulojë transportin, pije, ushqim dhe do të ofrojë aktivitete argëtuese.
Sipas njoftimit të organizatorëve, mbledhja e vullnetarëve më 5 Qershor do të bëhet në ora 11:30, ndërsa më 6 Qershor në ora 9:00 tek Monumenti “New Born”, dhe më pas nga aty bëhet nisja për në destinacionet përkatëse, përcjell albinfo.ch.
“Më 5 Qershor nisemi për në Pejë, gjegjësisht në Radavc, ku do të keni rastin të shihni për së afërmi mrekullitë natyrore të Kosovës – Ujëvarën e Drinit të Bardhë. Më pas, të gjithë së bashku do të pastrojmë hapësirën përreth kësaj ujëvare si dhe një pjesë të Lumit Drini i Bardhë. Më 6 Qershor ju ftojmë që të bashkoheni me ne në aksionin e pastrimit të Ujëvarës së Mirushës dhe njëkohësisht të jeni pjesë e festës me shumë aktivitete”, kanë shkruar tutje.
Ky aktivitet i “Let’s do it Kosova” po organizohet në bashkëpunim me Lëvizjen Globale “River Cleanup”.
Të ngjashme
Të tjera nga Kosova
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Pse njerëzit në Austri po paguajnë më shumë taksa pavarësisht reformave federale? Punëtorët në Austri janë ende ndër ata me barrën tatimore më të lartë në botë, me...
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE