Aktivizohen dronët për të kërkuar të dyshuarin për vrasjen e mërgimtarit

Të hënën u vra një person në Klinë dhe i dyshuari është në arrati.

Zëdhënësi Shkodran Nikçi, tha për Klan Kosovën, ka treguar se si ka ndodhur ngjarja.

“Fillimisht i dyshuari, e ka ftuar jashtë lokalit viktimën, pastaj viktima është futur brenda. I dyshuari ka hyrë dhe ka qëlluar me armë zjarr shtatë herë”, tha ai.

Nikçi ka njoftuar se për lokalizimin e të dyshuarit janë aktivizuar edhe dronët.

“I dyshuari ishte i akuzuar edhe për raste të tjera më parë. Ndërsa janë aktivizuar edhe dronë për të gjetur lokacionin e të dyshuarit” u shpreh Nikçi, përcjell albinfo.ch.

Zëdhënësi shtoi se viktima dhe të dyshuarit janë familjar mes vete.

“Viktima ishte i martuar me motren e të akuzuarit. Ndërsa edhe ky i fundit, ishte i martuar me motrën e viktimës”, tha ai derisa njoftoi se ende nuk dihen motivet që çuan deri të vrasja.