Alban Pnishi, nga Wohleni në Grasshoppers të Cyrihut

Alban Pnishi, futbollist defanziv , për shumë vite ka mbrojtur ngjyrat e FC Wohlen që bën gara në Challenge League (Liga e dytë për nga niveli në Zvicer). Ai ka qenë ndër lojtarët më të dalluar të klubit te përmendur. Por, duke filluar nga sezoni i ardhshëm, Pnishi 24 vjeçar do t`i bashkohet skuadrës së njohur nga Cyrihu Grasshoppers, duke u ngritur kështu në nivelin më të lartë të futbollit zviceran, në superligë.

Siç shkruan blick.ch, mbrojtësi me rrënjë nga Kosova nënshkruan me skuadrën e madhe të Cyrihut për tri vitet e ardhshme.

Pnishi ka filluar të luajë për FC Wohlen qysh në moshën 13 vjeçare, ku pastaj ka kaluar të gjitha fazat dhe së fundi ishte edhe kapiten i ekipit të parë.