Alban Pnishi “Sportist i Vitit 2015” në regjionin Freiamt

Ai ka fituar një numër rekord votash krahasuar me zgjedhjen e sportistit të vitit, në vitet e kaluara. Për Pnishin kanë votuar 1126 veta, ose 22.3%

Futbollisti Alban Pnishi, i cili luan në superligën zvicerane për GC të Cyrihut, është zgjedhur Sportist i Vitit 2015 në regjionin Freiamt të kantonit Aargau, ku jeton dhe ku ka bërë hapat e parë në karrierën e futbollit.

Një juri profesionale i ka dhënë më së shumti pikë Albanit, dhe ky qëndrim i jurisë është mbështetur edhe nga publiku, shkruan wohleranzeiger.ch. Për më tepër, i përzgjedhuri i përfaqësueses kosovare ka fituar një numër rekord votash krahasuar me zgjedhjen e sportistit të vitit, në vitet e kaluara, transmeton albinfo.ch. Për Pnishin kanë votuar 1126 veta, ose 22.3% të të gjithë votuesve ndërsa rekordi i deritashëm ka qenë 1078.

Në vendin e dytë pas tij vjen shenjtari Rafael Bereuter dhe në të tretin, hendbollisti Manuel Frey.