Ambasada e Kosovës në Francë del me njoftim për kosovarēt

EPA/IAN LANGSDON

Ambasada e Kosovës në Paris ka publikuar një njoftim të rëndësishëm për qytetarët, lidhur me mbylljen e kufijve dhe ndalimit të hyrje-daljeve në Francë, nga vendet që gjenden jashtë BE-së.

Ambasada ka njoftuar se sipas vendimit të Qeverisë franceze do të ketë kontrolle të rrepta gjatë orës policore.

“Ju njoftojmë se më 29 janar 2021 Qeveria franceze ka marrë vendim për mbylljen e kufijve dhe ndalimit të hyrje-daljeve në Francë nga vendet jashtë BE-së, përveç rasteve të domosdoshme. Përveç kësaj, qeveria ka urdhëruar mbylljen e qendrave tregtare më të mëdha se 20,000 m2, si dhe ka paralajmëruar kontrolle shumë më të rrepta gjatë orës policore”, thuhet në njoftimin e ambasdës.