Ambasadori gjerman i kundërpërgjigjet Rusisë rreth Kosovës

'Kosova është një demokraci e re e mrekullueshme”

Mbrëmë, ambasadori gjerman në OKB, Christoph Heusgen, në fjalën e tij në seancën e KS të OKB-së për Kosovën, ka kundërshtuar pretendimet e ambasadorit rus në OKB, Vasily Nebenzja, i cili thotë se nuk ka vend për optimizëm në Kosovë dhe çuditërisht kërkon rikthmin e Serbisë në Kosovë.

Kjo deklaratë e tij ka ngjallur reagime të mëdha në OKB. Sipas ambasadorit gjerman, Christoph Heusgen, një gjë e tillë është e pamundur dhe nuk do të ndodhë asnjëherë.

“Dua t’i them kolegut tim rus se Kosova ka zhvilluar zgjedhje të lira dhe demokratike. Tani Kosova është në fazën e tranzicionit të ndërrimit të pushtetit. Më këtë mund të them së Kosova është një demokraci e re e mrekullueshme”, tha ambasadori gjerman në fjalimin e tij në KS në OKB.

Gjithashtu ai u porositi Ivica Daçiqin që të mos shpenzojë para kot nëpër vende të ndryshme të botës duke lobuar kundër shtetit Kosovës dhe tërheqjes së njohjeve, respektivisht.

Ndryshe, ish-ministri i Sllobodan Millosheviqit, Daçiq, më herët nxori një certifikatë të kohës së okupimit serb në Kosovë ndaj Vlora Çitakut në fjalimin e tij.

Theksohet se ky ishte një gjest i pakuptueshëm nga përfaqësuesi serb, i cili në një mënyrë nënkuptoi ekzistimin e ish-Jugosllavisë, e cila ishte shpërbërë kohë më parë, përcjell albinfo.ch.

 

---