Amman kritikohet për konflikt interesi

I propozuari për sekretar, Boutellier, është kryetar i bordit të ndërmarrjes së Ammann-it dhe zëvendëskryetar i ETH

Këshilli Federal ka shtyrë vendimin për zgjedhjen e personit që do të drejtojë Sekretariatin shtetëror për arsim dhe shkencë. Këtë e ka konfirmuar për mediet zvicerane ministri kompetent, ai i për ekonomi dhe financa, Johann Schneider-Ammann.

Shtyrja ka ndpdhur për shkak se Ammann, në mbledhjen e qeverisë kishte propozuar që këtë sekretariat ta udhëhiqte profesori i universitetit ETH të Cyrihut Roman Boutellier. Me këtë përzgjedhje Ammann kishte rrezikuar të binte në konflikt interesi për arsyen se Boutellier është kryetar i bordit të ndërmarrjes së Ammann-it. Ammann-Maschinenbau-Gruppe dhe rrjedhimisht, ish partner afarist i tij.

Veç kësaj, duke qenë edhe zëvendëskryetar i universitetit ETH të Cyrihut, Boutellier si sekretar do të ishte në pozicionin që të favorizonte universitetin “e tij”.

Kritikat ndaj qëndrimit për të zgjedhur Boutellier-in në krye tësekretariatit prandaj kanë qenë më të ashpra nga Zvicra frankofone. Në Lozanë është universiteti tjetër ETH, i cili konsiderohet konkurrent i drejtpërdrejtë i ETH-së së Cyrihut në fushë të hulumtimeve shkencore.