Aparatet mbushen me rrymë nga ngrohtësia e trupit të njeriut

Gjeneratori është aq i vogël sa që mund të instalohet brenda smart telefonave, syzeve elektronike dhe smart orëve

Shkencëtarët e institutit Korea Advanced Institute of Science and Technology kanë arritur të krijojnë një gjenerator që mbush me rrymë elektrike orët smart duke akumuluar energjinë nga ngrohtësia natyrore që prodhon trupi i njeriut.

Gjeneratori është aq i vogël sa që mund të instalohet brenda smart telefonave, syzeve elektronike dhe smart orëve. Pllakat tejet të holla të këtyre gjeneratorëve mund edhe të lakohen pasi që janë nga materiali i fubrave të qelqit.

Edhe deri më tash ka pasur gjeneratorë që kanë funksionuar në mënyrë të ngjashme por kanë qenë shumë më të mëdhenj dhe të papërshtatshëm për përdorim.

Ndonëse ky inovacion teknik tashmë është realizuar, deri sa ai të jetë i gatshëm për treg mund të shkojë edhe një kohë.

Ekipi që e ka konstruktuar këtë gjenerator, e sheh atë në një të ardhme jo shumë të largët të përdoret edhe në automobila, fabrika dhe aeroplanë.