Apple planifikon iPhone të ri SE në vitin 2018

Një version i lirë i iPhonet do të lansohet në muajt e ardhshëm.

Sipas një raportimi të ri të “China Economic” citon burime të veta sipas të cilave, Apple planifikon të lansojë një version të përditësuar të telefonit të mençur iPhone SE në fillim të vitit të ardhshëm, transmeton Albinfo.ch.

Apple mësohet se do të lansojë telefonin e ri në tremujorin e parë të vitit të ardhshëm. iPhone SE i parë u lansua në mars të vitit të shkuar.

Siç dihet, ky telefon pati ekran 4-inç, për dallim nga pajisjet e reja që vijnë vazhdimisht me ekran më të madh se pararendësit.