Arbër Zeneli shënon përsëri

Goli i Zenelit ishte i treti në ligë në shtatë ndeshje, derisa një e ka shënuar në Kupë

Mesfushori i Përfaqësueses së Kosovës, Arbër Zeneli ka shënuar sërish në Ligën holandeze, shkruan albinfo.ch.

Kosovari realizoi golin e dytë në fitoren prej 3:0 të ekipit të tij Heerenveen ndaj Den Haag. Goli i Zenelit ishte i treti në ligë në shtatë ndeshje, derisa një e ka shënuar në Kupë.

Kështu ai po dëshmon se është në formë të mirë, derisa po e pret rastin të luajë për Kosovën. Përfaqësuesja e Kosovës më 6 tetor do të ndeshet me Kroacinë, në një ndeshje mjaft interesante, kurse tri ditë më pas ndeshet me Ukrainën.

Ky takim do të zhvillohet në Poloni, pasi Ukraina nuk e njeh Pavarësinë e Kosovës dhe pasaportat kosovare.