Ardiani, më 3 gusht me CD-në e re

Ylli i ri i muzikës gjermane Ardian Bujupi, më 3 gusht do të publikojë këngën e tij të re “I`m Feeling Good”. Kënga është krijim i Peter “Fonty” Alberz, i cili ka punuar edhe në albumin debutues të Ardianit “To the Top”.

CD-ja në të cilën gjendet kënga më e re përmban edhe dy remixe të tjera të “I`m Feeling Good” si dhe versionet unplugged të këngëve “This is My Time” dhe “That Girl”. Autorë të remixave janë producentët Stereoids dhe Lazy Sanchez. Singli i Bujupit do të editohet përmes FirstLoveMusic dhe Groove Attack.

Pas spektaklit “DSDS” ku pati zënë vendin e tretë, Ardian Bujupi ka qenë pjesë e spektaklit tjetër “The Dome” dhe në “X Factor Albania”. Ai ka provuar veten po ashtu edhe në spektaklin e RTL “Let`s Dance”.

“Jeta është e shkurtë dhe unë përpiqem që çdo ditë të kem qasje pozitive. Unë tash jam aty ku gjithmonë kam dëshiruar të jem dhe po e jetoj ëndrrën time, me muzikën time”, ka thënë Ardiani për mediet gjermane, në lidhje me singlin “I`m Feeling Good”.