Arrestohet shqiptari me 47 kg kokainë dhe 250 mijë funte

Vlera e drogës ishte 4.9 milionë funte, derisa shqiptarit në Angli iu gjet gjithashtu një makinë numërimi parash dhe pajisje që kanë të bëjnë me shpërndarjen e drogës së klasit A

Mediat britanike kanë bërë të ditur se është arrestuar një shqiptar, të cilit i janë gjetur 47 kilogramë kokainë, si dhe 250 mijë funte kesh. Ngjarja ka ndodhur në Essex të Anglisë, shkruan “www.essexlive.news”.

I arrestuari shqiptar është Mark Gorini. 25-vjeçari u arrestua fillimisht pasi iu gjetën dokumente të falsifikuara italiane, përcjell albinfo.ch.

Fillimisht oficerët kishin kontrolluar veturën që po përdorte Gorini, ku kanë gjetur dy pako kokainë të fshehura në bagazh.

Në total, rezultoi se sasia e kokainës ishte 47 kilogramë, vlera e së cilës shkonte deri në 4.9 milionë funte. Shqiptarit iu gjet gjithashtu një makinë numërimi parash dhe pajisje që kanë të bëjnë me shpërndarjen e drogës së klasit A.